Layout

Cpanel

ALBISTEAK

2016ko aurrekontuak osatzeari ekin dio Udalak eta dagoeneko, aurreneko bilerak egin ditu

Inprimatu Email

bileragizarte2015

2016ko aurrekontuak eta legegintzaldiko asmoak herritarrekin elkarlanean lantzen ari da Udala.

Hainbat bidetatik ari da egiten:

Buzoiak eta webgunea: herritarren lehenbiziko iritzi eta proposamenak bildu dira kaleko buzoien eta webgunearen bidez. Orain arte, 30 ekarpen baino gehiago jaso ditugu eta ekarpenak egiteko azken aukera asteburu hau izango dela gogoratu nahi dugu.
Bilerak eragileekin: aurreneko bilerak egin dira jada. Hala, kirol, festa eta gizarte zerbitzuetako eragile eta taldeekin eta Matxinbenta eta Elosiaga auzoetan bilerak egin dituzte jada udal ordezkariek hauen ekarpenak jaso eta legegintzaldirako asmoak agertzeko. Hurrengo astean, bilera gehiago egingo dira; Aratz Errekan, Nuarben, Urrestillan eta Lasaon.

Galdetegiak banatu eta buzoiak jarri ditu Udalak, herritarrek 2016ko aurrekontuei ekarpenak egin ahal izateko

Inprimatu Email

buzoieDA16

2016ko aurrekontuak osatzeko prozesua abian da jada. Aurreko urteetan bezala, Denon Artean prozesuaren bidez herritarren iritzi eta ekarpenak bildu nahi ditu Udalak eta horretarako, baliabide desberdinak jarri dira herritarren eskura. Herritarrek dituzten behar eta nahiak entzun eta jasotzea ezinbestekoa da aurrekontuak osatzeko garaian eta horregatik, galdetegiak banatzen hasi gara etxez etxe. Gainera, buzoiak ere jarri dira kaleetan herritarrei bidea errazteko. Buzoiak abenduaren 11 arte egongo dira herriko hainbat auzotan. Udaleko sarreran, liburutegian eta igerilekuan dauden buzoi iraunkorrak ere erabil daitezke.

Denon Artean 2016; herritarrekin eta eragileekin elkarlanean osatuko dira aurrekontuak

Inprimatu Email

DA2016aurkezpen

2016 urtean Azpeitiko Udalaren aurrekontua osatzeari ekin dio Udal Gobernuak, eta azken 4 urteetan bezala, herritarren iritzi eta ekarpenek pisu berezia izango dute prozesuan zehar, eta horretarako baliabide desberdinak jarriko dira azpeitiarren esku. 2016 urteko aurrekontuak 3 iturritatik elikatuko dira:

  • 2025 Plan Estrategikoa
  • Alderdi politikoen eta Udal teknikari eta langileen ekarpenak
  • Herritarrak

"Aurtengo aurrekontuak tesitura eonomiko hobeagoan planteatzen ditugu, iazkoarekin alderatuz, 2 milioi gehiago izango ditugula uste dugu eta beraz, inbertsioetarako diru gehiago izango dugu", azaldu du Eneko Etxeberria alkateak.

Azpeitiarrek ekonomia eta gizarte zerbitzuak lehenetsi dituzte 2015ko aurrekontuetarako

Inprimatu Email

DA2015balorazioa

Denon Artean 2015 prozesuari amaiera eman zaio eta Azpeitiko Udalak balorazio positiboa egin du. Aurten zazpi bilera egin dira: bilera zabal bat, herritarrekin, beste bilera zabal bat, herriko talde eta eragileekin, bost bilera auzo ezberdinetako herrietarrekin: Nuarbe, Aratz Erreka, Urrestilla, Lasao eta Matxinbentan. Bilera hauetan, Udalak datorren urtera begirako dituen asmoak azaldu ditu, eta baita 2025erako plan estrategikoaren ingurukoak ere. Era berean, herritarren ideiak eta ekarpenak jasotzea nahi izan dugu aurten ere, herritarren beharrak hobeto ezagutu eta behar horien araberako herria eraikitzen segitzeko. Guztira 225 ekarpen bildu ditugu eta nabarmentzekoa da herritarren beharren lehentasunak, ekonomiaren eta gizarte beharren ingurukoak direla. Eta, Udalaren eskumen propioan, hau da herriko azpiegituretan.

Zu hemen zaude: Home Albisteak

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut