Layout

Cpanel

denon artean logo

ALBISTEAK

DENON ARTEAN-en baitan, galdetegiak banatu eta buzoiak jarriko ditu Udalak herritarren iritziak jasotzeko

DAbuzoiak

Abian da 2014ko aurrekontuak osatzeko prozesua. Aurreko bi urteetan bezala, Denon Artean prozesuaren bidez herritarren iritzi eta ekarpenak bildu nahi dira. Horrela, herritarren beharrei erantzungo dieten aurrekontuak osatu eta Udala herritarren zerbitzura egon dadin lortzeko. Hainbat arlo eta eremutan batzarrak egiten ari gara asteotan, Udalak 2014rako aurreikuspen ekonomikoen berri eman eta urte berrirako dituen proiektuak gardentasunez azaltzen ari gara. Eta bide batez, herriko taldeen ekarpenak bilduz. Herritarren beharrei erantzun nahi bazaie, ezinbestekoa da ordea, herritarren ahotsa kontutan hartzea. Horretarako, batzarrez gain, bestelako bitartekoak ere jarriko ditugu herritarren iritziak jasotzeko.

Parekidetasun bilerak zabalduko ditu Denon Artean 2013ko batzarrak

Emakumeak

Gaur, abenduak 4, Parekidetasuneko bilerarekin hasiko dira Azpeitia Denon Artean 2013ko arloetako batzarrak. Parekidetasuneko bilera 18:30ean izango da Emakume Txokoan, eta gaiarekin interesa duen edonork edota ekarpenak egin nahi dituen edonorentzat zabalik izango dira ateak. Izan ere, krisi ekonomikoak astindu gaituen honetan, Azpeitiko herriak garai zailak bizi ditu. Egoera honetatik ateratzeko, ezinbestekoa da guztiok batera aritzea. Udala, eragile ekonomikoak, taldeak, herritarrak... Azpeitia denon artean eraiki behar dugu.
Diru publikoa arduraz kudeatu eta Udala norabide egokian kudeatzea ezinbestekoa izango da garai hauetan. Horrela, ekonomia sustatzea, enplegua sortzea eta gizarte beharrei erantzunak ematea dira Azpeitiko Udalaren lehentasunak eta herritarren iritzi eta ekarpenak inoiz baino baliotsuak dira. Begiratu hemen arlo eta auzoetako bileren egutegia, eta hartu parte!

2014ko ildo nagusiak agertu ditu Udalak

DAherrikontseilua14

Azpeitia Denon Artean 2014 abian jarri du Udalak, hurrengo urteko aurrekontuak herritarrekin elkarlanean osatzeko asmoz. Parte-hartze prozesua atzo, asteartea, hasi zen Sanagustin kulturgunean egindako herri kontseiluarekin eta bertaratu ziren herritarrek, Udalaren ildo eta asmo nagusiak ezagutzeko aukera izan zuten. "Pixkana, politika egiteko modua aldatzen joan gara. Udal Gobernuaren iritzitan, elkarlana da modelua, transparentzia, gardentasuna eta herritarrek politikoak kontrolatzea. Herritarrek ekarpenak egitea eta debatea sortzea da bidea. Hasieran bakarrik gaude, baina frutituak agertu dira eta sakontzen jarraitu behar dugu", agertu zuen Eneko Etxeberria alkatea. Atzoko kontseiluko informazioa, dokumentu honetan aurki dezakezu.

Azpeitia Denon Artean 2014 asteartean hasiko da herri kontseiluarekin

DA2014

Azpeitiko Udalak bi urte daramatza herritarren partaidetzarekin aurrekontuak osatzen. Denon Artean prozesua egitasmo arrakastatsua bihurtu da denbora honetan eta 2014ko aurrekontuak osatzeko, Udalak berriro kontatuko du herritarren, taldeen eta eragileen iritzi eta ekarpenekin. Lehenbiziko hitzordua asteartean izango da, azaroak 26, 19:00etan Sanagustin kulturgunean.

"Batzar horretan, Azpeitiko Udalak 2014rako aurreikusten dituen proiektu garrantzitsuenen berri emango da, diru kontuak, balorazioak... Azpeitiak duen arazorik larriena ekonomiari lotuta dator zalantzarik gabe. Egoera zaila bizi du gure herriak eta horregatik, horixe da Udal ordezkarion burukominik handiena ere. Eta horrek, izango du eraginik 2014ko Denon Artean prozesuan, bai prozesuaren formari dagokionean, baita edukiari dagokionean ere", agertu du Eneko Etxeberria alkateak.

Zu hemen zaude: Home

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut